START BIDPRENTJES PEY & OMSTREKEN LILBOSCH & PEY 40-45 FOTOCOLLAGE TEKSTEN GASTENBOEK INFO

TEKSTEN

Tevoot nao de hemel

Gedicht van Anneke Hausmans uit Echt

Te voot nao de hemel,

Es straks aug mien oer is gekòmme  en is het mit mich den gedaon
Den haop ich det ich geslaagdj bön, òm nao den hemel te gaon.

Ich zal den hie gaon vertrèkke,  neet mit ein dreuvig gezich
Ich reis den via Roostere  en zoea äöver Lömmerich.

Miene minie fiets laot ich zeker hiej,  jao ich trèk vol gooje mood
Mit eine pungel op miene rök,  gans doead gewueën...te voot.

Geer zòtj det kènne begriepe,  zeen weer 't laeve èns kwiet
Speeltj ein dènk gaar gein rol mieë,  den geit het neet mieë òm den tied.

Men hoof zich neet mieë drök te make, dao weutj auch neet mieë zoea gejats
En men zitj den vas en zeker, äöver niks mieë inne rats.

Waal num ich duchtig bòtterhamme mit  en äörtelik huidvleis der op
Die aet ich mich bie de astronauten,  òngerwaeges waal effekes op.

Arriveer ich den in de hemel, dao is het  òngetwiefeldj sjoon
Den zal ich aan oos leve Hieër, van euch vas hieël väöl groete doon.

God de Heer weurdj ieës gepreze, aan Hem weurdj lof en dank gebrachtj
En Sinterklaos dae krigtj ein pluimpje, väör waat ter zoea dök op den tejjer haef gebrachtj.

Den gaon ich nao St.Antonius, jao dao väör staon ich waal borg
Hem bedanke väör al het geen, det der mich haef trök bezorg.

Ich zal mich verder väör gaon stèlle, aan eemes oet ein Echter stad
Want dao nao gaon ich vas waal zènge en geluif 't mer het "Magnificat".

Mien fantazie ging mich aan 't loupe, mer al liektj det auch extreem
Van eine hemel bön ich äövertuigtj en dao is gaar gein probleem.

Ich haop nog hieël lang hie te blieve, mer kömptj straks toch 'ns die reis
Den kèn ich mich dao op al spitse, jao det zaetj mich miene geis.

Al wil ich nach neet vertrèkke, toch is èns het aafsjied dao
Van ein dènk kèntj geer äövertuigtj zeen,  geer gaontj mich väör.....of kòmpj mich nao.

 

Een idee om te lezen: "Oude liedjes 2"